Məzuniyyətə görə ödənilən kompensasiya

Gross əmək haqqı ilə hesablanır. Məzuniyyət günlərinin əmək haqqını müəyyən etməkdən ötrü məzuniyyətdən əvvəlki 12 təqvim ayının əmək haqqının cəmlənmiş məbləğini 12-yə bölməklə orta aylıq əmək haqqının məbləği tapılır və alınan məbləği ayın təqvim günlərinin orta illik miqdarına - 30,4- ə bölmək yolu ilə bir günlük əmək haqqının məbləği müəyyən edilir.

Bu qayda ilə müəyyən edilmiş əmək haqqının məbləği məzuniyyətin müddətinin təqvim günlərinin sayına vurulur və bu zaman gəlir vergisi əvvəlki illərdə istifadə edilməmiş məzuniyyətə görə ödənilən pul əvəzindən hər bir il üçün ayrı-ayrılıqda, sonuncu ilə görə ödənilən məbləğ isə axırıncı ayın əmək haqqı ilə cəmlənərək ümumi gəlirdən tutulur (Vergilər Nazirliyinin izahı).